Siu-Tsiu Kalaallit Nunaanni inuusuttut peqatigalugit inuusuttunut suliffinnik pilersitsisuuvoq.
Inuusuttut sulilersittarpavut piginnaasaallu qaffassartarlutigit, taamaasillutillu suliffinnut allanut ilinniarnissamullu ingerlariaqqinnissaannik aqqutissiuuttarlutigit.
Nuannerluinnartumik nutaarsiassaateqarpugut Siu-Tsiu-mi. ANT-fonden tapiineratigut umiatsiaq akuerisaq POCA Qaqortumut pissaaq. Umiatsiaq pingaarutilimmik inissisimassaaq ulluinnarni sulinermi kujataani. Aalisarneq, piniarneq immami nunamilu angalanermik aammattaaq suliassaqarfinnut angallassinermi atorluarneqarumaarpoq.
Juunimi Qaqortumi peqatigiiffimmit Siu-Tsiumit inuusuttut kiisalu Innovation South Greenlandimi suleqatit Islandimut angalaneranni ulluni qulinik pikkorissarnermi peqataapput. Pikkorissarneq piujuartitsisumik aqqutissialiornermut, pinngortitamik aqutsinermut kulturikkullu kingornussassanik illersuinermut sammisuuvoq.
Siu Tsiumi takusaasunik tikilluaqqusineq nuannaraarput, kiisalu suliagut nittarsaattarlugit. Inuusuttut Tasiilap naatsiivianik suliarisimasaminnik nittarsaapput, takornarissallu suliniut pillugu tusagaqarusuttorujussuupput.
WWF aamma Siu-Tsiu Aalisarnermut, Piniarnermut, Nunalerinermut Imminut Pilersornermullu Naalakkersuisoq Peter Borg tallimanngornermi maajip 30ani ataatsimeeqatigivaat. Naapeqatigiinnermi isumassarsinaqisumi oqaloqatigiilluarneq ingerlanneqarpoq ilaatigullu piujuartitsisumik ineriartortitsinissaq, nammineq pilersorneq kiisalu
SiuTsiu-mi maannamut suliatsinni annertunerpaaq misilillugu aallarteqaarput. Tasiilami Klubbe-toqaq Tækker Group Jørn Tækker aamma Kasper Schmidt suleqatigalugit ilua ingutseriarlugu atoqqissinnaasut atoqqillugit suliarilerparput. Tassa imaappoq atortussat atoqqissinnaasut
Aviisimi Sermitsiami sapaatip akunnera uani saqqummertumi Siu-Tsiu pillugu aviisimut ilanngutassiaq atuarneqarsinnaavoq. Saqqummiussaq normu 36-mi Qaqortumi ammaanerput atuarneqarsinnaavoq. Qaqortumi Vatikanip illuani allaffeqassaagut, siunertaralugulu inuusuttut 15-it ilaatinneqassasut.
Tunuliaqutarput
Siu-Tsiu Isumaginninnermut, Ilaqutariinnut, Naligiissitaanermut Inatsisillu Atuutsinneqarnerinut Naalakkersuisuusimasup, Sara Olsvig-ip suliniutaanit aallarnerput, kingornalu Danmarkimi innuttaasunik tapersersortarialinnik suliffissaqartitsivik, Grennesminde Taastrup-miittoq taavalu Kommuneqarfik Sermersooq Kalaallit Nunaanni suliffeqarfik innuttaasunik tapersersortarialinnik suliffeqartitsisoq pilersinneqarnissaanut isumaqatigiissuteqarput.
Siu-Tsiu suliffeqarfiuvoq innuttaasunik tapersersortarialinnik suliffeqartitsisoq, taannalu Nuummi allattoqarfeqarpoq, Tasiilamilu suliffeqarfeqarluni.
Nutaaliornermut suliffissaqartitsinermullu tunngasunik siunnersuisarpugut, inatsillu pillugit siunnersuisarluta, ataatsimeersuarnernilu ilisimasavut siammartertarlutigit.
Tasiilami tamalaanik neqerooruteqarpugut, aputaajaanermit qalipaanermut. Tasiilap Naatsiivia suliarinikuuarput, ikaartarfiliorlutalu.
”Paasisaqarnerugit” tooruk, suullu neqeroorutiginerivut paasisaqarneruffigalugu:
Siu-Tsiu Tasiilap Naatsiivianut nunaminertamut akuersissuteqarpoq. Tasiilap Naatsiivia 2022-mi aasaanerani naammassissaaq. Naasut naatitallu naatsiivimmi naatinneqartut…
Iserit A/S, Qalipaasut Jensen taavalu Nielsen v/Hans Jørgensen suleqatigalutigit illut arlallit qalipannikuuagut. Suliatta pitsaasumik naammassinissaa uagutsinnut pingaaruteqarpoq…
Ukiuunerani aputaajaasarnissatsinnik Iserit A/S-lu isumaqatigiissuteqarpugut. Apisimatillugu inissiat silataanni aputaajaasarpugut.
Siu-Tsiu ilisivinnik naatitsivinnik marlunnik pissarsinikuuvoq, tassani Micro greens-nik naatitsinissamik misileraassalluta, Tasiilallu Naatsiivianut naatitassatsinnik aallarnisaasassalluta.