Menu
Inuiaqatigiit kikkunnit tamanit ataatsimoorfiusinnaaneri upperaarput.
Inuusuttut Siu-Tsiumiittartut siunissami siuttunngornissaat kissaatiginarpoq. Inuttut najukkaminnilu kivitsisussamik suliniummut peqataanissartik akuersaarnikuuaat. Nammineq inuunerisamut inuiaqatigiillu akuuffigisanut taamatut akisussaaffimmik tigusinissaq sapiissusermik nukimmillu takutitsineruvoq. Ineriartornermut tassunga sulerusussuseq suleqatigiinnerlu sakkussatut atorpavut. Inuiaqatigiinni suliassat amerlasuut suliarissagaanni suleqatigiinnissaq assigiinngitsunillu piginnaasaqarnissaq pisariaqarpoq. Aamma suleqatigiit akornanni attaveqarneq pingaaruteqarpoq – alapernaatsuusariaqariaqarpoq, pitsaasariaqarpoq ataqqinnittuusariaqarlunilu. Sulinitsinni ikioqatigiilluta tapersersoqatigiissaagut, ilinniaqatigiillutalu. Immitsinnut pinngitsoorsinnaanngilagut. Sulinngitsoortoqaraanga immitsinnut amigaatigisarpugut. Suut suliarinerivut qanorlu sulinersugut pingaaruteqarpoq. Suliassat ataatsimoorfigalutigit iluatsittarpavut.
Siu-Tsiu piujuartitsineq siammasissumik anguniagaraa. Nunarsuarmi anguniakkat sammisaraavut, pingaartumillu anguniakkat nr. 8, 11 aamma 17 sulissutigalutigit. Pingaartumik anguniakkani taakkunani sunniuteqarsinnaavugut.
Iluatsinnerluta aamma iluatsikkaangatta soorunami uuttorsinnaasariaqarparput. Inuunerinneq, inuiaqatigiit aningaasaqarnerat, inuullu ataatsip imminut pilersorsinnaanera, ilinniagaqarnera pilluarneralu uuttortarpavut. Siu-Tsiu inuusuttumut akilersinnaasussaavoq – inuiaqatigiinnullu iluaqutaassalluni – inuiaqatigiit kikkunnit tamanit ataatsimoorfiusut.
Suliniut aqqutigalugu inuusuttut pitsaasumik inuuneqarnissaat siunertaavoq, innuttaasunik tapersersortarialinnik suliffissaqartitsineq aqqutigalugu ataatsimoorfiusumik suliffeqarnertik aqqutigalugu angussallugu.
Suliffiit piviusut, innuttaasut ulluinnaannik pingaartitaqartitsisut najukkamilu inuiaqatigiinnik ineriartortitseqataaffiusinnaasut.
Suliffeqarfiit innuttaasunik tapersersortarialinnik suliffissaqartitsisut aamma Kalaallit Nunaanni najukkami inuussutissarsiorneq nukittorsaaqataaffigissavaat.
Suliffeqarfiit innuttaasunik tapersersortarialinnik suliffissaqartitsisut suliassanik assigiinngitsunik, najukkami innuttaasunut iluaqutaasussanik, suliaqartassapput, tassaassallutillu najukkami nunaminertanik iluarsaassineq aserutsaaliuinerlu, niuertarfinnik cafénillu pilersitsineq, taakkualu najukkami uummarisaassallutik.
Suliniut suleqatigiissuteqarnikkut inerisagaavoq, Kalaallit Nunaannilu inuiaqatigiinni pingaarutilinnit suleqatigiissutigineqarluni – Namminersorlutik Oqartussanit, Kalaallit Nunaanni Kommuninit, Kalaallit Nunaanni suliffeqarfinnit – taavalu soorunami suliffeqarfimmit namminiusumit, Siu-Tsiumit aamma Kalaallit Nunaanni suliffeqarfinnit innuttaasunik tapersersortarialinnik suliffissaqartitsisunit.
Suleqatigiinneq pitsaasoq assigiinngitsorpassuarniillu peqataaffigineqartoq iluatsinnissamut pingaaruteqarluinnarpoq.
Pingaartumik anguniakkat immikkoortut ilaat 17.17 suliniummut tassunga qanittuararsuuvoq:
Peqatigiinnermit misilittakkanik isumalluutitigullu periusissianik tunngaveqartunik pisortat peqatigiinneri, pisortat namminersortullu peqatigiinneri inuinnarnilu inuiaqatigiinni peqatigiinnerit kajumissaarutigineqarlutillu tapersersorneqassapput.