Pisariaqaraangat. Meeqqani, utoqqarni innarluutilinniluunniit sulisussanik amigaateqalissagaluarussi. Misilillugu Siu-Tsiu sianerfigisiuk.

Inuusuttuutitta arlallit meeqqanik ilaquttaminnilluunniit paarsineq sungiusimavaat, taamaattumik kingoraartaasutut sulineq suliffeqarfimmi misiliinertut atorsinnaavaat, taamaasillutik inulerinerup iluani imaluunniit perorsaanerup iluani suliffeqarnissamut ilinniagaqarnissamulluunniit ammaassisuusinnaalluni.

Inuusuttut marlukkaarlutik suleqatigiittarput, taavalu suliartunnginnerini sulereernerinilu inuusuttut oqaloqatigalugit nalilersueqatigisarpagut.