Siu-Tsiu Isumaginninnermut, Ilaqutariinnut, Naligiissitaanermut Inatsisillu Atuutsinneqarnerinut Naalakkersuisuusimasup, Sara Olsvig-ip suliniutaanit aallarnerput, kingornalu Danmarkimi innuttaasunik tapersersortarialinnik suliffissaqartitsivik, Grennesminde Taastrup-miittoq taavalu Kommuneqarfik Sermersooq Kalaallit Nunaanni suliffeqarfik innuttaasunik tapersersortarialinnik suliffeqartitsisoq pilersinneqarnissaanut isumaqatigiissuteqarput.

Kalaallit Nunaanni inuusuttorpassuit ilinniagaqaratillu suliffeqanngillat. Siu-Tsiu innuttaasunik tapersersortarialinnik suliffissaqartitsivittut suliffissanik ataatsimoorfiusussanik innuttaasunillu assigiinngitsunik inissaqartitsissumik pilersitsisassaaq, tassani inuusuttut suleqatigiinni ataqatigiittuni peqataasassallutik, taavalu suliffeqarfinni inuiaqatigiillu akornanni misilittagaqalissallutik. Ilinniarnermi suliffissaqarnermilu periarfissanik nutaanik pilersitsinissaq anguniagaavoq, taakkualu siunissamut inuunerinnermut, neriuuteqarnarmut takorluuinermullu sunniuteqaqataassallutik.