Siu-Tsiu nuummi allaffeqarfeqarpoq maannamullu Tasiilami suliffeqarfik ataaseq pilersinneqarnikuulluni. Taassuma saniatigut Danmarkimi suliffeqarfiit aningaasatigut inooqatigiinillu aallussisunik misilittagaqarluartunik attaveqarpugut.
SIU-TSIU Isumaginninnermut, Ilaqutariinnut, Naligiisitaanermut aammalu Inatsisit Atuutsinneqarneranut Naalakkersuisuusimasumit Sara Olsvig-imit isumassarsiaanit aallarnerpoq, taassumalu kingorna Grennesminde aammalu Kommuneqarfik Sermersooq akornani Kalaallit Nunaanni suliffeqarfinnik aningaasarsiortussanik inooqatigiinnullu aallussisussanik ineriartortitsinissamut suleqatigiinnissamut isumaqatigiissusiortoqarpoq.
Sulerivugut
Siu-Tsiu-p anguniagaa pingaarneq tassaavoq Kalaallit Nunaani sulinerup piujuartitsinerullu iluani annertusaaqataanissaq – nunap ilaanut najukkanilu.
Suliffeqarfinnik anigaasatigut kisianni aamma inooqatigiinnik aallussisut atorlugit piujuartunik suliaqartuarnissaq siunertaralugu pilersinneqassapput, najukkami tunngavilimmik najugaqartunillu peqataasulinnik.