Juunip ingerlanerani Islandimut angalasoqassaaq. Inuusuttut Siu-Tsiumeersut taavalu suleqatigisartakkagut Innovation South Greenlandimeersullu pikkorissarialerput Islandimut, tassani ullut qulit pikkorissartoqassaaq, piujuaannartitsinermi aqquserniornermut, pinngortitamut allanngutsaaliuinermut taavalu kulturikkut illersuinermut tunngassaaq.
Angalaneq piviusunngortinneqarpoq ANT-fonden aningaasaliineratigut, nuannaarutigilluinnaqqissaarparput tamanna. Inuusuttut uani periarfissinneqarnerat, takusassanik nutaanik, misilittakkanillu immikkut ittunik nutaanik periarfissiivoq.
Pikkorissarneq Gudjon Kristinsson aammalu Islandermiut suliffeqarfiutaat Stokkar & Steinar-imit ingerlanneqassaaq. Suliffeqarfik taanna pinngortitami kulturikkullu nunap immikkoortuini mianernartuni pisuinnaat aqqutaanik sanaartornermi ukiuni amerlasuuni misilittagaqarpoq. Inuusuttut ilinniassavaat uani ujaqqanik qammaaneq, ujaqqat ilusaat malillugit, kussinilorneq, aqqutiliornerlu.
Suleqatigiineq pitsaasoq ingerlaqqissaaq, Siu-Tsiu aammalu Innovation South Greenland. Inerisaaqinneq, pinngortitamik allanngutsaaliuineq, kulturikkullu kingornutassiaqarfiit aammalu piujuartitsinermi ingerlatsinermi inerisarneqaqqissallutik. Misilittakkagut Islandimi atorluarneqaqqissapput suliniutinut aaliangersimasunut aasap ingerlanerani, Qaqortukuluumi, UNESCO Kujataa suleqatigalugu.
Angalaneq inuusuttunut periarfissiilluartuuvoq, nunaq nutaaq takornarlugu, inuit nutaat naapillugit kiisalu piginnaasat nutaanik aallerfigalugu, taakkulu ilinniarfimmik suliffimmullu ineriartuutinik, kingornalu atorluaqqinneqarsinnaasunik kinguneqarluni.
Qilanaaraarput angalanissaq, nutaanik ilisimasaqalernissaq kiisalu isumassarsiat nutaat angerlarutta atorluaqqissinnaasagut nunatta kujataani.
Angalanermut piviusunngortitsisuusut ANT-fonden qujaffigerujussuarpagut.