Kalaallit Nunaat tamakkerlugu najukkamilu suliffissaqartitsinerup piujuartumillu ingerlatsinerup annertusaaqataaffiginissaa Siu-Tsiup anguniagaraa. Suliffeqarfiit innuttaasunik tapersersortarialinnik suliffissaqartitsisut aqqutigalugit ataannartussamik suliniummik pilersitsisoqassaaq, taakkualu najukkami innuttaasunit ingerlanneqassallutik. Suliffeqarfiit ukiorpassuarni atasussatut pinngortinneqartarput, suliniutilli taamaannatik. Inuusuttut suliffissanik sukumiisunik – inissaqartitsisunillu – periarfissinneqassapput, taavalu suliffeqarfinnut ilinniarfeqarfinnulluunniit aqqutissiuunneqassallutik.  

Innuttaasunik tapersersortarialinnik suliffissaqartitsineq maanna misilittagarineqarlualereerpoq, assigiinngitsorpassuarnilli periuseqarpoq. Aalajangersimasumik suliniuteqarneq, innuttaasunut aalajangersimasunut saaffiginnittuunera, taavalu suliniut innuttaasunullu saaffiginninnerup niuerniarfittulli pingaaruteqartiginera suliffissaqartitsiviit tamarmik assigiissutigaat. Ima paasillugu, aningaasanik isertitaqarnissaq pillugu suliaqaannanngilagut, innuttaasunilli kivitseqataanissarput aamma pingaartillutigu. Ullumikkut inuusuttut ajornartorsiutaannut tunngatillugu innuttaasunik tapersersortarialinnik suliffissaqartitsineq allanngueqataavoq.

Siu-Tsiup aningaasaqarnera pingasunik avinneqarpoq.
Kommunit inuusuttut uagutsinni sulinissaat akilertarpaat.
Neqeroorutivut nioqqutissiavullu atorlugit aningaasanik isertitaqarpugut.
Taavalu iluanaarutigingaakkatsinnik – qujamasuutigingaakkatsinnillu Oak Foundation Denmark, Hempel Fonden, Østifterne aamma Bikubenfonden ukiunut siullernut, aningaasaqarnitta piujuartumik ingerlalernissaata tungaanut suliniummut aningaasaliisuupput.