WWF aamma Siu-Tsiu Aalisarnermut, Piniarnermut, Nunalerinermut Imminut Pilersornermullu Naalakkersuisoq Peter Borg tallimanngornermi maajip 30ani ataatsimeeqatigivaat.
Naapeqatigiinnermi isumassarsinaqisumi oqaloqatigiilluarneq ingerlanneqarpoq ilaatigullu piujuartitsisumik ineriartortitsinissaq, nammineq pilersorneq kiisalu inuusuttut pillugit suliniutit qanoq ataatsimoortillugit ingerlatinneqarsinnaanersut sammineqarlutik – annerusumik nunatta kangiani, tunumi, nammineq naatitanik inuussutissarsiutinillu nutaanik ineriartortitsinissamik periarfissaqarluartillugu.
“Naapinneq takutippaa Naalakkersuisut suleqatigiinnerannut isumaqatigiissutaanni, Siu-Tsiullu WWFilu suliniutaanni anguniakkat ingiaqatigiinneranik – taamaattumillu oqaloqatigiinnerit ingerlateqqinnissaannut periarfissaqarluartoq. Tigussaasunik aaqiagiissutinik pilersitsisinnaanerput uppernarsisillugu suleqatigiinnissamut kajumissuteqarnerput aallunnissaa qilanaaa”rilereerparput.”