”Board of Knowledge” Siu-Tsiup siulersuisuinut allattoqarfianullu siunnersortaavoq.

Ilisimatuunit avataaneersunik taavalu ilinniagalinnit piginnaasaqarluartunik takorluukkanik unamminartunillu avitseqateqarnissaq pingaarutilerujussuuvoq. Ilaasortat nuna tamakkerlugu siammaqqapput, peqataanissamullu qaaqqusaallutik.

”Board of Knowledge” suliniutinut atuuttunut isumassarsiorfissaavoq, suliniutinullu nutaanut aallarniisuussallutik. Taamaasilluni ”Board of Knowledge” pinngorartitsiviuvoq, tassanilu aningaasaateqarfiup suliniuteqarfigisai siunissamilu suliniuteqarfissai sammineqartarput toqqarneqartarlutillu. “Board of Knowledge”-mi ilaasortat aamma Aningaasaateqarfimmit aallartitatut atuuffeqarput.

Ukiumut marloriarluta naapittarpugut, tassani politikkikkut killiffik inuiaqatigiillu killiffiat sammisarlutigu, taakkunanilu innuttaasunik tapersersortarialinnik suliffissaqartitsineq qanoq inissisimanera sammisarlutigu.

• Aningaasaateqarfiup suleriusaanik eqqartuineq immersuinerlu
• Suliniutit atuuttut, tassani paasisitsiniutit, politikkit il.il. pillugit siunnersuineq avitseqatigiinnerlu
• Siunissami suliniutaasinnaasunik siunnersuuteqarneq

Ullormut sammisassat allakkatigut imaluunniit oqaloqatigiinnikkut itisilerneqarnissaat ilaasortanit qaaqqusaniillu ilaatigut noqqaassutigineqartarpoq.