Nuannaarutigalugu Qaqortumi suleqatit nutaat pingasut tikilluaqquagut.
Margrethe Thårup Andersen, Nina-Vivi Andersen aamma Lars Ole Knudsen tassaapput Qaqortumi inuusuttunik sullissisussat. Novembarip aallaqqaataaniilli decembarip 28-iani 2023 ammaanersiulerutta pisussat aallutilerpaat.
Sanasutttaaq Vatikanhuset atorsinnaalernissaanut ulappupput, inuusuttullu Vatikanhus-imi januarip sisamaaniit 2024 tikilluaqqusinnaalernissaanut qilanaarpugut.
Siu-Tsiu Qaqortumi oqarasuaat 53 09 18 aamma e-mail uunga: [email protected] attavigineqarsinnaavoq.
Suliniut pillugu
Siu-Tsiu suliffeqarfiuvoq innuttaasunik tapersersortarialinnik suliffissaqartitsisoq, inuusuttunut immikkut pisariaqartitalinnut inuunermik ilinniarnertalimmik, suliffeqarnissaannut suleqateqarnissaannullu aallutaqartoq. Tamanna assassornertalimmik suliaqarnikkut aallupparput. Siu-Tsiu suliffeqarfinnik tunisassiornermik tuniniaanertalimmillu pilersitsissaaq, tassani inuusutut suleqatigisat inissaqartinneqarlutik ilinniarsinnaanerat ineriartorsinnaanerallu periarfissaalluni. Ilinniarnerat aamma nunatsinni suliffeqarfinni praktikkernertalimmik imaqarpoq. Inuusuttut suliffeqalernissaat ilinniaqqinnissaalluunniit siunertaavoq.