Siu-Tsiup allattoqarfia illoqarfiit annersaanni Nuummiippoq. Nutaaliornermut suliffissaqartitsinermullu tunngasunit siunnersuisarpugut, inatsillu pillugit siunnersuisarluta.
Innuttaasunik tapersersortarialinnik suliffissaqartitsiviit pillugit ilisimasanik siammarterinitsinnut atatillugu Siu Tsiu-p allattoqarfia innuttaasunik tapersersortarialinnik suliffissaqartitsivinnut tunngasunik, suliffissaqartitsivinnik ingerlatsinermut tunngasunik taavalu aallarnisaanermut tunngasunik siunnersuisinnaavoq.
Kalaallit Nunaanni innuttaasunik tapersersortarialinnik suliffissaqartitsineq oqaluttuarissavarput, nunarsuarmilu ass. Canadami, Hollandimi, Norgemi nunanilu allarpassuarni innuttaasunik tapersersortarialinnik suliffissaqartitsineq sammissallutigu.
Siu-Tsiu ataatsimeersuarnerni saqqummiisutut oqallinnernilu peqataasinnaavoq, taamaalilluta innuttaasut suliffeqarfiillu innuttaasunik tapersersortarialinnik suliffissaqartitsisut pillugit ilisimasatsinnik avitseqateqarsinnaalluta.
Suliffeqarfinni ilinniarfeqarfinnilu innuttaasunik tapersersortarialinnik suliffissaqartitsineq aamma Siu-Tsiu pillugu saqqummiiartorsinnaavugut. Atuarfiit, suliffeqarfiit allallu innuttaasunik tapersersortarialinnik suliffissaqartitsineq taavalu Siu-Tsiu pillugu tusagaqarusuttut aamma pulaarsinnaavagut.
Pilersaarusiornermut tunngatillugu suliatsinni nutaarsiassat kingulliit uani ataatsimoortippavut:
Misigisaq assut immersornaqisoq nunat issittormioqatit isumasioqatigiinneranni peqataalluni ullumi aamma siunissami issittumi unamminartuujumaartussat sammillugit. Pingaarnepaaq unaagunarpoq qanoq qularnaassallugit naligiinneq aammalu akiuunnissamut iliuusissat ataasiakkaarluta, piffinni inuiaqatigiilluta aammalu
Nivikka Arctic Parliamentarian Summit-imi paasisimasallit sassartitatut peqataassaaq. Sammisassat ullut marluk ingerlanerani marluupput, siulleq nunat issittut avannarlerni arnat aqutsisut, aappaattullu nunat issittut avannarliit siunissaat.
Tulluusimaarput aammalu immaqa qasoqqalaarlutik uku inuusuttut Tasiilamut ullumi utertussat. Sapaatip akunnerani qaangiuttumi Innovation Lab Unleash-ikkut peqataaffigisimallugik tassani suliaralugu pijuartitsilluni ineriartortitsinermi nunarsuarmi anguniagaat nr.3 – peqqissuseq