Juunimi Qaqortumi peqatigiiffimmit Siu-Tsiumit inuusuttut kiisalu Innovation South Greenlandimi suleqatit Islandimut angalaneranni ulluni qulinik pikkorissarnermi peqataapput. Pikkorissarneq piujuartitsisumik aqqutissialiornermut, pinngortitamik aqutsinermut kulturikkullu kingornussassanik illersuinermut sammisuuvoq.
Siu-Tsiu ANT-Fondenimit angalanissamut tapiiffigineqarsimavoq, tamannalu assut nuannaarutigaarput. Tapiissuteqarnikkut Kujataata inuusuttuinut misigisassanik nutaanik, piginnaasanik misilittakkanillu immikkut ittumik pinngortitami ilinniarfissakkut periarfissiisoqarsimavoq.
Pikkorissarneq Gudjon Kristinssonimit kiisalu suliffeqarfimmit islandimiumit Stokkar & Steinarimit ingerlanneqarsimavoq. Taakku ukiuni arlalinni pinngortitami kulturikkullu eriagisariaqartuni aqqutissanik sanaartornermik misilittagaqarluarput. Inuusuttut sulinermi peqataallutik ilinniarput, ilaatigut ujaqqanik qarmaliornermut, ujaqqanik inissitsiterinermut, imermik kuutsitsinissamut aaqqiinermut, atortussanik toqqaanermut aammalu aqqutissanik pilersaarusiornermut peqataallutik.
Angalanerup Siu-Tsiup aamma Innovation South Greenlandip akornanni pitsaasumik suleqatigiinneq nangippaa aammalu pinngortitamik aqutsinermi, kulturikkut kingornussassanik paarsinermi kiisalu piujuartitsisumik takornariaqarnermi najukkami piginnaasat nukittorsarlugit. Islandimi misilittakkat kingorna Qaqortumi UNESCO Kujataanilu suliniutini atorneqassapput.
Inuusuttunut angalanerup nunamik allamik misigisaqarnissamut, inuit nutaat naapinnissaannut kiisalu piginnaasanik ilinniarnermi sulinermilu atorsinnaasaminnik ineriartortitsinissamut periarfissiivoq.
Angalanerup ingerlanera pillugu nuannaarutigeqaarput aammalu ilisimasanik isumassarsianillu nutaanik Kujataanut angerlaassineq qilanaaralugu.
ANT-Fonden angalanermik periarfissiisimaneranut qujanaq.