Siu-Tsiu Tasiilami aningaasatigt inooqatigiinnillu aallussisumik suliffeqarfimmik pilersitsinikuvoq. Siu-Tsiu Tasiilami sullissiveqarfimmik ammaanikuuvoq, sullinniakkallu inuusuttuupput ilinniarfiusuni suliffeqarfinnilu atassuteqanngitsut. Sullissiveqarfimmi inuusuttut qulit attaveqarput, projekti aqutsisoq sulisorlu sulilersinneqarnikuupput.
Sullissiveqarfik sammisanik marlunnik aallutaqarpoq, tamarmillu assassornerup iluani suliassanik aallussipput.
Sullissisut: Sammivik pingaarnertut assammik suliassanik sammisaqarput.
Naatsitsinermik sammisallit: Pingaarnertut naatitanik naatitsinermik sammisallit, silami illullu iluani. Siunissami kalaallit nerisassaa taakkuninngalu nerisassiornermik sammisaqarnissaq aamma suliniutigineqarpoq.
Anguniakkat immikkoortuinik anguniakkanillu sulinitsinni atuisuuvugut, ingerlaartumillu allagartanik nersornaatisianik nalliuttorsiuteqartarluta pikkoriffiit anguniakkallu immikkoortut anguneqaraangata.
Perorsaanermi atortoq KRAP (Kognitiv Ressourcefokuseret Anerkendende Praksis) atugarisuuarput, Grennesminde-mi iluatsilluartumik misilittagaqarfiusoq atugaasorlu.
Suliffeqarfiit aningaasatigut inooqatigiinnillu aallussisut ullutsinni inuusuttut unammillernartitaannut annertuumik allanngueqataasinnaapput. Suliffeqarfiit pilersitat inunnik ikiuinerni suliniutinut allanut naleqqiullugit ukiorpassuarni ingerlaartussatut pilersinneqartarput. Inuusuttut suliffeqarfinni suliffinnik, inuttut inissaqartitsisunik neqeroorfigitittarput. Suliffeqarfinnut naliginnaasunut piffissap ingerlanerani attaviit pilersinneqartarput.
Siu-Tsiu nuummi allaffeqarfeqarpoq maannamullu Tasiilami suliffeqarfik ataaseq pilersinneqarnikuulluni. Taassuma saniatigut Danmarkimi suliffeqarfiit aningaasatigut inooqatigiinillu aallussisunik misilittagaqarluartunik attaveqarpugut.